ပဲလောကအတွင်း ကျပ်သန်းထောင်ချီ ငွေကြေးပြဿနာ ဖြေရှင်းရန် အသင်းက စတင်စိစစ်

အစိုးရသစ်လက်ထက် တွင် ပထမဆုံးအကြိမ် ဖြစ်ပွား သော ပဲလောက၌ ကျပ်သန်း ထောင်ချီငွေကြေး အရှုပ်အရှင်း ဖြစ်ပွားနေမှုကို စတင်စိစစ်နေပြီ ဖြစ်ကြောင်း မြန်မာနိုင်ငံ ပဲမျိုးစုံ နှင့် နှမ်းကုန်သည်များအသင်းမှ သတင်းရရှိသည်။

ပဲကုန်သည် နှစ်ဆယ်ခန့်နှင့် အရောင်းအ၀ယ် ပြုလုပ်ထား သည့် သိန်းသန်းကုမ္ပဏီသည် ပဲ မျိုးစုံဈေးနှုန်းများ ဇူလိုင်က စတင် ကျဆင်းလာသောကြောင့် ငွေ ကြေးဆုံးရှုံးမှုများပြီး စာရင်းမရှင်း နိုင်သဖြင့် အသင်းထံ အကူအညီ တောင်းခံခဲ့သည်။

ပြည်ပသို့ ပဲစင်းငုံအပါအ၀င် ပဲမျိုးစုံတင်ပို့ရောင်းချနေသော သိန်း သန်း ကုမ္ပဏီက ဖြေရှင်းပေးရန် အသင်းသို့ပေးပို့သည့် စာရင်း၌ လက်ရှိ အချိန်အထိ ကျပ်သန်း လေးထောင်နှင့် အမေရိကန်ဒေါ် လာသုံးသိန်းအထိ ရှိနေသည်။

အဆိုပါ ငွေကြေးအရှုပ်အ ရှင်းနှင့်ပတ်သက်၍ ပေးရန်၊ ရရန် စာရင်းတင်ပြသူ ဆယ်ဦးခန့်ရှိပြီး အဆိုပါစာရင်းများကို စိစစ်နေဆဲ ဖြစ်ကြောင်း မြန်မာနိုင်ငံပဲမျိုးစုံနှင့် နှမ်းကုန်သည်များအသင်း ဒုဥက္ကဋ္ဌ ဦးခင်ဟန်က ပြောသည်။

ယင်းငွေကြေးအရှုပ်အရှင်း စာရင်းကို သြဂုတ် ၂၉ ရက်တွင် နောက်ဆုံးထားပြီး ပေးရန်၊ ရရန်ရှိ သည့် စာရင်းတင်ပြရန် အသင်းက ထုတ်ပြန်ထားသည်။

‘‘သူတို့တင်ပြလာတဲ့စာရင်း ကို စိစစ်နေဆဲပဲ ရှိသေးတယ်။ ဘာကြောင့် ဖြစ်တယ်ဆိုတာက တော့ အတည်မပြုနိုင်သေးဘူး’’ ဟု မြန်မာနိုင်ငံပဲမျိုးစုံနှင့် နှမ်းကုန် သည်များအသင်း အတွင်းရေးမှူး ဦးမင်းကိုဦးက ပြောသည်။

လက်ရှိ ငွေကြေးအရှုပ်အ ရှင်းဖြစ်နေသည့် ကုမ္ပဏီသည် ပဲစင်းငုံ အဓိကရောင်းဝယ်သည့် ကုမ္ပဏီ ဖြစ်သော်လည်း မတ်ပဲ ရောင်းမှား ၀ယ်မှားကြောင့် ယခု ကဲ့သို့ ငွေကြေးအရှုပ်အရှင်းဖြစ်ရကြောင်း အသင်းမှ သတင်းရရှိသည်။

ဇူလိုင်မှစ၍ အိန္ဒိယက မတ်ပဲနှင့် ပဲစင်းငုံ အ၀ယ်ရပ်နားပြီး နောက် ပြည်တွင်း ဈေးကွက်၌ မတ်ပဲတစ်တန်လျှင် ကျပ်လေး သိန်းကျော်၊ ပဲစင်းငုံတစ်တန်လျှင် ကျပ်ငါးသိန်းကျော် ဈေးနှုန်းကျ ဆင်းလာသည်။

၂၀၁၄ မေလကလည်း ကြို ရောင်းကြိုဝယ်မှုကြောင့် မိုးသက် ကုမ္ပဏီနှင့် ပြည်တွင်းပြည်ပ ပဲ ကုမ္ပဏီ ၂၁ ခုတို့ ငွေကြေးအရှုပ် အရှင်းပြဿနာဖြစ်ပွားပြီး မြန်မာ နိုင်ငံပဲမျိုးစုံနှင့် နှမ်းကုန်သည်အ သင်းက ကြားဝင် ဖြေရှင်းပေးခဲ့ရသည်။

၂၀၁၄ တွင် ပဲလောက၌ တစ်နှစ်အတွင်း ငွေကြေးပြဿနာ သုံးကြိမ် ဖြစ်ပေါ်ပြီးနောက် အရောင်းအ၀ယ်  ပြုလုပ်ရာ၌ ရောင်းသူ၊ ၀ယ်သူနှစ်ဦးစလုံးက အာမခံစပေါ်ငွေထားရှိသည့်  စနစ်ဖြင့် ပြုလုပ်ရန် ထိန်းချုပ်ထားသည်။ သို့သော် ကုန်သည်အချို့ကြောင့် ဖြစ်ပေါ်လာသော ငွေကြေးအရှုပ် အရှင်းပြဿနာသည် ဆက်လက် ရှိနေဆဲ ဖြစ်သည်။

Credit To >>> 7 Day Daily