သမ္မတဦးသိန်းစိန်ကို ငြိမ်းချမ်းရေးဆုပေးခဲ့သည့် (International Crisis Group) က မြန်မာရဲတပ်ဖွဲ့ဝင်တို့၏ ပဋိပက္ခဖြေရှင်းနိုင်မှု စွမ်းရည်ကို ဝေဖန်

မြန်မာနိုင်ငံတွင် ဖြစ်ပွားခဲ့သော လူမျိုးရေးအဓိကရုဏ်းများတွင် ရဲတပ်ဖွဲ့ဝင်များ၏ ပါဝင်ပတ်သက်မှု အားနည်းနေပြီး ရဲတပ်ဖွဲ့ဝင်များအနေဖြင့် ပြည်သူများအပေါ်တွင် ၀န်ဆောင်မှုကောင်းများပေးရန် ပြုပြင်ပြောင်းလဲမှုများ လုပ်သင့်ပြီဟု International Crisis Group (နိုင်ငံတကာ ပဋိပက္ခများ လေ့လာစောင့် ကြည့်ရေးအဖွဲ့) ၏ ၂၀၁၃ အောက်တိုဘာလ ၁ ရက်တွင် ထုတ်ပြန်လိုက်သည့် အစီရင်ခံစာကဆိုသည်။

မြန်မာနိုင်ငံအတွင်း ၂၀၁၂ ခုနှစ် ဇွန်လမှ အောက်တိုဘာလအတွင်း ဖြစ်ပွားခဲ့သည့် အဓိကရုန်းများတွင် ရခိုင်ပြည်နယ် မြောက်ပိုင်းတွင် နေထိုင်သူ လူဦးရေ ၂၀၀ ခန့်မှာ သေဆုံးခဲ့ပြီး အိုးမဲ့အိမ်မဲ့ဖြစ်သူ လူတစ်သိန်းလေးသောင်းတို့မှာ မွတ်ဆလင်လူမျိုးများဖြစ်ပြီး လူသားချင်း စာနာမှုဆိုင်ရာ အခြေအနေများလည်း ဆိုးရွားလျက်ရှိသည်ဟု ထိုအစီရင်ခံစာတွင် ရေးသားထားသည်။

မိထ်္ထီလာ အဓိကရုဏ်းတွင် တာဝန်ထမ်းဆောင်ခဲ့သည့် မန္တလေးတိုင်း ပြန်ကြားရေးနှင့် ပြည်သူ့ဆက်ဆံရေးဌာန ညွှန်ကြားရေးမှူး ဦးကျော်ဆန်းက “ဒါက စီမံကွပ်ကဲမှုပိုင်းဆိုတော့ ဒီမှာရှိတဲ့ ၀န်ထမ်းတွေကတော့ အထက်က စီမံကွပ်ကဲတဲ့အတိုင်းပဲ လုပ်ရတာပေါ့။ နောက်ပိုင်းစနစ်တွေ ကတော့ ပြည်နယ်နဲ့ တိုင်းအလိုက် သက်ဆိုင်ရာ ပြည်ထောင်စု အစိုးရတွေက ၀န်ကြီးတွေ ၀န်ကြီးချုပ်တွေက သူတို့သက်ဆိုင်ရာအလိုက် လုပ်ဆောင်နေပါပြီ၊ ထပ်ပြီးတော့ သင်တန်းပေးမှုတွေ လုပ်နေပါပြီ”ဟု ပြောသည်။

ရဲတပ်ဖွဲ့ဝင်များအား ပြည်နယ်၊ တိုင်းဒေသကြီးအလိုက် သင်တန်းပေးမှုများ၊ ကဏ္ဍအလိုက် အထူးတပ်ဖွဲ့များ ဖွဲ့စည်းခြင်းများ ပြုလုပ်ရန် သက်ဆိုင်ရာ ပြည်ထောင်စုဝန်ကြီးများမှ အစည်းအဝေးများထိုင်လျက်ရှိပြီး ဒေသအလိုက် စီမံခန့်ခွဲမှုများအရ တာဝန်လုပ်ဆောင်ခွင့်ရှိရန်၊ ဌာနဆိုင်ရာအလိုက် ညွှန်ကြားမှု ပေးနိုင်ရန်လည်း စီမံခန့်ခွဲမှု အသစ်များ လုပ်ဆောင်နေသည်ဟုလည်း ဦးကျော်ဆန်းက ပြောသည်။

မြန်မာနိုင်ငံတွင်း ၂၀၁၂ခုနှစ် ဇွန်လနှင့် အောက်တိုဘာလတို့တွင် လည်းကောင်း၊ ၂၀၁၃ ခုနှစ် မေလတွင် ဖြစ်ပွားခဲ့သည့် မိတ္ထီလာ အဓိကရုဏ်းဖြစ်စဉ်များတွင် ရဲတပ်ဖွဲ့အင်အား နည်းနေခြင်းများ၊ တာဝန်ယူရာတွင် ထိရောက်မှုမရှိခြင်းတို့ကြောင့် ပဋိပက္ခများအား အရှိန်မြင့်စေခဲ့သည်ဟုလည်း (International Crisis Group) ၏ အစီရင်ခံစာက ဝေဖန်ထားသည်။ ထို့အပြင် အခြားတိုင်းပြည်များထိပါ ရိုက်ခတ်မှုများရှိခဲ့သ ဖြင့် ၂၀၁၄ ခုနှစ်တွင် အာဆီယံဥက္ကဋ္ဌအဖြစ် တာဝန်ယူရန် ပြင်ဆင်နေသည့် မြန်မာနိုင်ငံအနေဖြင့် ထိုသို့ ပဋိပက္ခများဖြစ်ပွားမှုများသည် အလေးအနက်ထားရမည့် နိုင်ငံရေးကိစ္စတစ်ခုဖြစ်သည်ဟုလည်း အကြံပြု ထားသည်။

ဖြစ်ပွားခဲ့သည့် ပဋိပက္ခများတွင် အရပ်ဘက် လူမှုအဖွဲ့အစည်းများ၊ နိုင်ငံရေးပါတီများနှင့် အခြားအဖွဲ့အစည်းများ၏ ထုတ်ပြန်ချက်များတွင်လည်း ပဋိပက္ခများတွင် အင်အားသုံးကာ ဖြေရှင်းရမည့် နေရာတစ်ချို့တွင် အစိုးရအနေဖြင့် ဖြေရှင်းခြင်းမရှိကြောင်း ဝေဖန်မှုများ ရှိခဲ့သည်။

International Crisis Group ၏ ထုတ်ပြန်ချက် နောက်ဆုံးပိုင်းတွင်လည်း မြန်မာနိုင်ငံအနေဖြင့် ရဲတပ်ဖွဲ့ဝင်များ၏ ၀န်ဆောင်မှုများအား ကျယ်ပြန့်စွာ ပြောင်းလဲရန် လိုအပ်ရုံသာမက အစိုးရနှင့် ကြီးမားသည့် လူ့အဖွဲ့အစည်းများ၊ မီဒီယာများနှင့် လူမှုမီဒီယာများမှ အစွန်းရောက်တိုက်ခိုက်ခြင်း၊ ၀ါဒဖြန့်ခြင်းတို့ကိုလည်း တိုက်ဖျက်ရန် လိုအပ်သည်ဟု တိုက်တွန်းထားသည်။

International Crisis Group သည် အမေရိကန်နိုင်ငံ နယူးယောက်အခြေစိုက် အစိုးရမဟုတ်သော လွတ်လပ်သည့် အဖွဲ့အစည်းတစ်ခုဖြစ်သည်။ အဆိုပါအဖွဲ့သည် သမ္မတဦးသိန်းစိန်ကို ဘရာဇီးနိုင်ငံက သမ္မတဟောင်း မစ္စတာ Lula #Silva နှင့်အတူ Pursuit of Peace award dinner ခေါ် ငြိမ်းချမ်းရေးဆုကို ၂၀၁၃ ခု ဧပြီလတွင် ချီးမြှင့်ခဲ့သည်။

ထိုဆုသည် ပဋိပက္ခများ ပြီးဆုံးအောင် ဆောင်ရွက်ခြင်း၊ သံတမန်ရေးရာ ကျွမ်းကျင်သူများကို ပေးအပ်သည့်ဆု ဖြစ်သည်။

International Crisis Group ၏ ထိုစဉ်က ကြေညာချက်တွင် မြန်မာအစိုးရသည် ရခိုင်ပြည်နယ်အတွင်း ပဋိပက္ခများ၊ ကချင်ပြည်နယ်အတွင်း ဖြစ်ပွားနေသည့် စစ်ပွဲများကို ဖြေရှင်းရန် ကျန်နေသေးသည်ဟု ထောက်ပြထားခဲ့သေးသည်။

Mizzima