ပိုင်နက်ကျူးကျော်မှုနဲ့ မကြာသေးခင် ရက်ပိုင်းအတွင်းက ဖမ်းဆီးခံထားရ တဲ့ တော်ဝင်သစ်အချော ထည်စက်ရုံက အလုပ်သမား (၁၂)ဦး လွတ်မြောက်ဖို့အတွက် ရန်ကုန်မြို့မှာရှိတဲ့ စက်မှုဇုန်တွေက အလုပ်သမားအဖွဲ့အစည်း(၁၅)ဖွဲ့ဟာ ရွှေတိဂုံဘုရားရဲ့ အောင်မြေမှာ ဒီကနေ့ မနက်ပိုင်းက ဆုတောင်းပွဲ ကျင်းပခဲ့ကြပါတယ်။
ပြီးခဲ့တဲ့ မေလ (၁၄) ရက်နေ့က ပိုင်နက်ကျူးကျော်မှုနဲ့ တော်ဝင်အလုပ်သမားတွေကို အခုလို အလုပ်ရှင်ဘက်က အမှုဖွင့်တာဟာ တခြားအလုပ်သမားတွေအတွက်လည်း အခက်အခဲဖြစ်စေတယ်လို့ ဆုတောင်းပွဲမှာ ပါဝင်တဲ့ တိုင်ရီဖိနပ်စက်ရုံ အခြေခံအလုပ်သမားအဖွဲ့ ဥက္ကဌ ဒေါ်မိုးဝေက RFA ကို ပြောပါတယ်။
အင်းစိန်ထောင်မှာ ဖမ်းဆီးခံထားရတဲ့ တော်ဝင်အလုပ်သမားတွေရဲ့ အမှုရုံးချိန်းကို လာမယ့် မေလ (၂၈) ရက်နေ့မှာ ရုံးထုတ်စစ်ဆေးမယ်လို့ သိရပါတယ်။
ဒီကနေ့ ဆုတောင်းပွဲကို တောင်ဒဂုံ(ဆိပ်ကမ်း)၊ လှိုင်သာယာ၊ မှော်ဘီ၊ ရွှေပြည်သာမှာရှိတဲ့ စက်မှုဇုန်တွေက အလုပ်သမား ခေါင်းဆောင် ၄၀ လောက် ပူးပေါင်းလုပ်ဆောင်ကြတာ ဖြစ်ပါတယ်။
ဒါ့အပြင် အခြေခံလုပ်ခလစာ ဥပဒေပေါ်ပေါက်ဖို့အတွက်လည်း အလုပ်သမားအဖွဲ့အစည်းတွေ ပူးပေါင်းပြီး အစိုးရဆီကို တင်ပြ တောင်းဆိုသွားမယ်လို့ ဆိုပါတယ်။
Myanmar Kyat Exchange Rate
0 comments:
Post a Comment