ပြိုင်ကားမောင်းသမားများနှင့် တက္ကစီယာဉ်မောင်းတို့ ခိုက်ရန်ဖြစ်ပွားသည့် အမှုတွင် ပြိုင်ကားသမားများမှ အကြောင်းမဲ့ ရိုက်နှက်ခြင်းမဟုတ်ကြောင်း တက္ကစီယာဉ်မောင်းနှင့် အပေါင်းအပါများမှ ဆဲဆိုရန်စပြီး ၎င်းတို့ကားကိုတိုက်ပြီး ထွက်ပြေးသွားခြင်းကြောင့် လိုက်လံတားဆီးရင်းဖြစ်ပွားခဲ့ခြင်းဖြစ်သည်ဟု ပြိုင်ကားသမားတို့က ဆိုသည်။
“ကျွန်တော့် ဘော်ဒါတစ်ယောက်ရဲ့ ကားပျက်နေလို့ဝိုင်းပြင်နေတာ။ တက္ကစီသမားက သူ့ဘော်ဒါတွေနဲ့ မူးရူးပြီးတော့ ကျွန်တော်တို့ကို ဆဲပြီး ကားနဲ့ဝင်တိုက်ပြီး ထွက်ပြေးတာ။
၎င်းတို့ခိုက်ရန်ဖြစ်ပွားသည့် ဖေဖော်ဝါရီ ၁၆ ရက်နေ့က အဆိုပါ တက္ကစီယာဉ်မောင်းနှင့် အပေါင်းအသင်းဖြစ်ဟန် တူသည့် လူ ၃ ဦးစီးနင်းလိုက်ပါလာပြီး ကားကို ၎င်းတို့အနီးတွင်ရပ်ကာ ကားပေါ်မှနေ၍ အကြောင်းမဲ့ စိန်ခေါ်ကာ ဆဲဆို ရန်စခဲ့သည်ဟု သိရ သည်။
အဆိုပါပြိုင်ကားအဖွဲ့ထဲမှ လူငယ်တစ်ဦးက ၎င်းအားပြောဆိုရန်ကြိုးစားရာတွင် ၎င်း၏ toyota Aristo ကားအား တက္ကစီ ယာဉ်မောင်းမှ တိုက်ကာထွက်ပြေးသွားခဲ့သဖြင့် ကားများဖြင့်ပိတ်ရပ်ကာ လိုက်လံတားဆီးရာမှ ခိုက်ရန်ဖြစ်ပွားခဲ့ခြင်းဖြစ်သည်ဟု ပြိုင်ကားမောင်းသမားများနှင့် သက်ဆိုင်သည့်၎င်းတို့၏ လူမှုကွန်ယက်စာမျက်နှာ၌ ဖော်ပြထားသည်ကိုလည်း သိရသည်။
တက္ကစီယာဉ်မောင်းကမူ ၎င်းသည် ခရီးသည်များတင်ဆောင်လာကာ ပြည်လမ်းအတိုင်း ပြိုင်ကားအုပ်စုအနီးမှ ဖြတ်သန်း မောင်းနှင်လာစဉ် အဆိုပါပြိုင်ကားများဖြင့် လူငယ်တစ်စုမှ အနောက်မှလိုက်လာကာ ၎င်း၏ကားအား ၀ိုင်းဝန်းပိတ်ဆို့ပြီး ပြိုင်ကား မောင်းသမားများက ဘေ့စ်ဘောတုတ်ကိုင်ဆောင်လာကာ ရိုက်နှက်ကြခြင်းဖြစ်ကြောင်း လှိုင်မြို့နယ်ရဲစခန်းတွင် ဖေဖော်ဝါရီ ၁၆ ရက်နေ့က ထွက်ဆိုထားသည်ဟု သိရသည်။
အခင်းဖြစ်စဉ်က ပါဝင်ခဲ့သည် Nissan အမျိုးအစားကားတစ်စီးကိုမူ ဖေဖော်ဝါရီလ ၁၉ ရက်နေ့က မရမ်းကုန်း မြို့နယ်တွင် ရှာဖွေတွေ့ရှိခဲ့ပြီး ဖေဖော်ဝါရီ ၂၁ ရက်နေ့တွင် ဇာနည်ထက်ဝေ၏ Toyota Aristo အဖြူရောင်ကား နှင့် ဖေဖော်ဝါရီ ၂၂ ရက်နေ့တွင် ဝေယံလင်း၏ ခဲပုတ်ရောင် Mazada RX 8 ကားတို့ကို ၎င်းတို့၏ မိဘများက လှိုင်မြို့နယ် ရဲစခန်းသို့ လာရောက် အပ်နှံထားကြောင်း ရန်ကုန်တိုင်း ရဲတပ်ဖွဲ့မှူးရုံးက ဖေဖော်ဝါရီ ၂၃ ရက်နေ့ တွင် သတင်းထုတ်ပြန်ထားသည်။
Myit Ma Kha Media Group
Myanmar Kyat Exchange Rate
0 comments:
Post a Comment