ပုဇွန်တောင်မြို့နယ်အတွင်းရှိ ရေကျော်ဈေးအား အဆင့်မြင့် ဈေးစတင်
တည်ဆောက်ရန် ဈေးဟောင်း ဖျက်နေခြင်းအား ဈေးသည်၂၇ဦးမှ ဖျက်နေသည့်
နေရာတွင်ပင် အလုပ်လုပ် ရင်းဖြင့် ဆန္ဒထုတ်ဖော်မည်ဖြစ်ကြောင်း ဈေးသည်၂၇ဦးက
တစ်ညီတညွတ်တည်း ပြောကြား သည်။
ဆိုင်ခန်းအဌားသမားများအား
ပုဇွန်တောင်ဈေးတွင် ပြောင်းရွှေ့ နေရာချထားပေးခြင်းကို မလိုချင်သောကြောင့်
ပြောင်းရွှေ့ခစရိတ်အဖြစ် ဆိုင် ခန်းတစ်ခန်းလျှင် ကျပ်ဆယ့်ငါးသိန်းပေး ရန်
တောင်းဆိုထားပြီး မရရှိပါက ရရှိသည်အထိ ယင်းနေရာတွင်ပင် အလုပ်လုပ်ရင်းဖြင့်
ငြိမ်း ချမ်းစွာ ဆန္ဒထုတ်ဖော်သွားမည် ဖြစ်ကြောင်း ရေကျော်ဈေး(ဃ)ရုံတွင်
တစ်ဆင့်ဌားရမ်းကာ စက်ချုပ်လုပ်ငန်း လုပ်ကိုင်နေသူ ဦးကျော်ဆင့်က ပြော
ကြားသည်။“ကျွန်တော်တို့ ဆိုင်ဌားတွေက အခွန်ခြောက်မျိုး ဆောင်ရတယ်။ ဒီမှာရောင်းတာလည်း နှစ်တွေကြာနေပြီ။ သူတို့ ပြန်ပေးတာက ဘယ်သူမှ အလုပ်မဖြစ်တဲ့ နေရာကြီးဖြစ်နေတယ်။ သူတို့ပေးတဲ့ နေရာလည်း မပြောင်းနိုင်ဘူး။ ဒါကြောင့်တခြားနေရာကို ပြောင်းဖို့အတွက် ဆိုင်ခန်း တစ် ခန်းကို ဆယ့်ငါးသိန်း မရမချင်းတောင်း ဆိုမယ်။ တောင်းဆိုနေချိန်မှာတော့ သူတို့ ရိုက်လည်းခံမယ်။ သတ်လည်း ခံကြမယ်” ဟု ၎င်းက ဆက်လက် ပြောကြားသည်။
ရေကျော်ဈေးတွင် ဆိုင်ခန်းပေါင်း၂၇၂ခန်းရှိသည့်အနက် ဆိုင်ခန်းဌားရမ်းရောင်းချသူ ၃၃ဦးခန့်ရှိပြီး ဈေးရုံသုံးရုံအား ဖျက်သိမ်းရန်အတွက် ရန်ကုန်မြို့တော် စည်ပင်သာယာရေး ကော်မတီ မှဆိုင်ခန်း၉၃ခန်းအား ယာယီဆောက်လုပ်ပေးခဲ့ပြီး မရရှိသောဆိုင်ပိုင်ရှင်များအား အတွင်း ပိုင်းမှ ဆိုင်ခန်းများ အတွက် ကျပ်နှစ်သောင်းနှင့် အပြင်မှဆိုင်ခန်းများအတွက် သုံးသောင်းအထိ နှစ်နှစ်စာပေးကြောင်း ဈေးသူဈေးသားများက ပြောကြားသည်။
အဆင့်မြင့်ဈေးတည်ဆောက်ရန် ဈေးရုံဖျက်သိမ်းခြင်းလုပ်ငန်းများ ဆောင်ရွက်ရန်အတွက် ဆိုင်ခန်းပိုင်ရှင်များနှင့် ညှို့နှိုင်းထားပြီး ၂၀၁၃ခုနှစ် ဒီဇင်ဘာလအတွင်းက နှစ်ကြိမ်တိတိ ဆိုင်ခန်းများ အား ပြောင်းရွှေ့ပေးရန် အသိပေးခဲ့ပြီးဖြစ်ကြောင်း ပုဇွန်တောင် မြို့နယ် စည်ပင်သာယာရေး ကော်မတီမှ ဌာနစုမှူး ဒေါ်မာမာမင်းက ပြောကြားသည်။
“ခုဈေးသူဈေးသားတွေ တောင်းဆိုတာတွေကို တာဝန်ရှိသူတွေကို တင်ပြပေးမယ်။ ဘယ်လိုဆုံးဖြတ်မလဲ ဆိုတာတော့ အပေါ်ကပဲ ဆုံးဖြတ်ပါ လိမ့်မယ်။ လောလောဆယ်တော့ ဖျက်သိမ်းတာကို ရပ် ထားမှာပါ”ဟု ၎င်းက ဆက်လက်ပြောကြားသည်။
ဆိုင်ခန်းအဌားသမားများ တောင်းဆိုချက် မရရှိပါက အလုပ်လုပ်ရင်း ဆန္ဒဖော်ထုတ်ကြမည့် အပြင် နိုင်ငံတော်သမ္မတရုံး၊ ရန်ကုန်တိုင်း ဒေသကြီး ဝန်ကြီးချုပ်ရုံးတို့အပြင် လွှတ်တော် ကိုယ်စားလှယ် အသီးသီးတို့သို့ တင်ပြတောင်း ဆိုသွားမည်ဖြစ်ကြောင်း တဆင့်ဌားရမ်း ရောင်းချနေ သော ဈေးသည်၂၇ဦးက တစ်ညီတညွတ်တည်း ပြောကြားသည်။
ရေးသားသူ- သက်သက်မိုးသူ၊ မျိုးပပစန်း
တည်းဖြတ်- ဂျူးဂျူးလှိုင်
People power
Myanmar Kyat Exchange Rate
0 comments:
Post a Comment