၉.၁.၂၀၁၄ ရက်နေ့ ၂၃၅၅ အချိန် ရွှေပြည်သာမြို့နယ်၊ (၈)ရပ်ကွက်၊ ဗိုလ်လရောင်(၃)လမ်း၊ အမှတ် ၉၈(က)နေ ကိုနေလင်းထိုက် (ဘ)ဦးတင်ဝင်းသည် မီးအားမြှင့်စက်အား ဖွင့်ထားပြီးအိပ်ပျော်သွားခဲ့ရာ ၁၀.၁.၂၀၁၄ ရက်နေ့ ၀၄၄၅အချိန်တွင် မီးအားမြှင့်စက်မှာအပူလွန်ကဲပြီး ၀ါယာရှော့ဖြစ်ကာ မီးစတင်လောင်ကျွမ်းခဲ့သဖြင့် ၎င်း၏ သွပ်မိုး၊ ထရံကာ၊ ပျဉ်ခင်းတစ်ထပ်နေအိမ်(၁)လုံးနှင့် ဘေးချင်းကပ် အမှတ် ၉၈(ခ)ရှိ သွပ်မိုး၊ ပျဉ်ကာ၊ ပျဉ်ခင်းနှစ်ထပ်အိမ်(၁)လုံးတို့အားကူးစက်လောင်ကျွမ်းခဲ့ရာ မီးသတ် ယာဉ်(၆)စီး၊ အုပ်ချုပ်မှုယာဉ်(၂)စီးတို့ ရောက်ရှိငြိမ်းသတ်ခဲ့၍ ၀၅၁၅ အချိန်တွင် မီးငြိမ်းသွားခဲ့ပါသည်။
မီးလောင်မှုကြောင့် နေအိမ်(၂)လုံးဆုံးရှုံးခဲ့ပြီး ကိုနေလင်းထိုက်၏ ခန္ဓာကိုယ်တွင် မီးလောင် ဒဏ်ရာများ ရရှိခဲ့သောကြောင့် အင်းစိန်ဆေးရုံတွင် တက်ရောက်ဆေးကုသမှုခံယူလျက်ရှိပါသည်။
အဆိုပါမီးလောင်မှုဖြစ်ပွါးခဲ့သည့်အတွက် လျှပ်စစ်မီးအားပေါ့ဆစွာသုံးစွဲသူ ကိုနေလင်းထိုက် အား ရွှေပြည်သာ မြို့မ ရဲစခန်း (ပ)၁၇/၂၀၁၄၊ ပုဒ်မ ၂၈၅/၃၃၇ ဖြင့်အမှုဖွင့် အရေးယူဆောင်ရွက်လျက် ရှိကြောင်း သတင်းရရှိပါသည်။
Yangon Police
Myanmar Kyat Exchange Rate
0 comments:
Post a Comment