ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည် အပါအဝင် ကမ္ဘာကျော်စာရေး ဆရာကြီးများပါ တက်ရောက် ဟောပြောမည့် ဒုတိယအကြိမ်မြောက် ဧရာဝတီ စာပေပွဲတော် ကို မန္တလေး မြို့တော်တွင် ကျင်းပပြုလုပ်မည် ဖြစ်ရာ အဆိုပါ ပွဲတော်ကျင်းပရေး ကော်မတီ တွင် ပါဝင်မည့် ကာတွန်း ဆရာ၊ ကဗျာဆရာနှင့် စာရေးဆရာ တစ်ရာနီးပါးခန့် နုတ်ထွက် သွားကြောင်း အဆိုပါပွဲတော် ကျင်းပရေးကော်မတီ ထံမှ စုံစမ်းသိရှိရသည်။
အဆိုပါ စာပေပွဲတော် ကျင်းပရေးအတွက် မူလကပါဝင်ရန် အဆိုပြုထားသူ များထဲမှ ကာကွန်း ဆရာ ၃၀ ဦး၊ ကဗျာဆရာ ၆၀ ဦးနှင့် စာရေးဆရာ သိုက်ထွန်းသက်၊ ကျော်ရင်မြင့်၊ သင့်နော်နှ င့် ဆူး ငှက်တို့ နုတ်ထွက်ခဲ့ကြောင်း အဆိုပါပွဲတော်မှ နုတ်ထွက်ထားသည့် ကာတွန်းဆရာ ဦးအောင်မော် က ပြောကြားသည်။
"လူတချို့ ထွက်သွားတယ်လို့တော့ သိရပါတယ်။ ကော်မတီကို မေးကြည့်တဲ့အခါ သဘော ထား မတိုက်ဆိုင်လို့ ထွက်သွားတဲ့ လူတွေ ရှိပေမယ့် ဖတ်ကြားမယ့် စာတမ်းတွေ ဘာတွေ ကတော့ မလျော့ဘူးလို့ သိရပါတယ်" ဟု ပွဲတော်ကျင်းပရေး တာဝန်ရှိသူ တစ်ဦးဖြစ်သူ ဒေါ်မမနိုင် က ဆိုသည်။
အဆိုပါ ဧရာဝတီ စာပေပွဲတော်ကို လာမည့် ဖေဖော်ဝါရီလ ၁၄ ရက်နေ့မှ ၁၆ ရက်နေ့ အထိ အောင်မြေသာစံမြို့နယ်ရှိ ကုသိုလ်တော်ဘုရား ပရိဝုဏ် အတွင်းတွင် လေအေးပေးစက် တပ်ဆင်ထားသောရုံ လေးလုံး တည်ဆောက်၍ ကျင်းပသွားမည် ဖြစ်ပြီး နေဝင်းမြင့် ဘာသာပြန်ဆိုထားသည့် (ရေကန်သာ ကြာတိုင်းအေး) The Glass Palace စာအုပ်ကိုရေး သားသူ မစ္စတာ အမီတဗ်ဂို့ရ်ှနှင့် နိုင်ငံတကာမှ အရောင်းရဆုံး စာရင်းဝင် စာအုပ်များ ရေးသား ခဲ့ သည့် ကမ္ဘာကျော် စာရေးဆရာကြီးများ အပါအဝင် ရန်ကုန်နှင့် မန္တလေးမြို့တော်တို့မှ စာရေးဆရာပေါင်း ၁၅၀ ဦးကို ဖိတ်ကြားထားကြောင်း အဆိုပါပွဲတော် ကျင်းပရေး ကော်မတီထံမှ သိရသည်။
"ပွဲတော်ကြီးကို အဖွဲ့အစည်းတစ်ခု ကနေ ကြီးမှူးကျင်းပတာမျိုး မဟုတ်ဘဲ မန္တလေးမှာ ရှိတဲ့ စာပေသမားတွေ ကာတွန်း၊ ကဗျာ၊ သတင်းသမား၊ စာရေး ဆရာတွေ စုပေါင်းပြီး လုပ် တာဖြစ်တော့ သဘောထား မတိုက်ဆိုင်တာတွေ ရှိကောင်း ရှိမှာပါ" ဟု ဧရာဝတီစာပေပွဲတော် ကျင်းပရေး အတွင်းရေးမှူး အဖွဲ့ ဦးမင်းဒင်က ဆိုသည်။
ပထမအကြိမ် ဧရာဝတီစာပေပွဲတော် ကို ၂၀၁၃ ခုနှစ် ဖေဖော်ဝါရီလ ၁ ရက်နေ့မှ ၃ ရက်နေ့ အထိ မြန်မာနိုင်ငံဆိုင်ရာ ဗြိတိသျှ သံအမတ်ကြီးနှင့် ဇနီးက ကမကထ ပြုလုပ်ပြီး နိုင်ငံတကာ စာရေး ဆရာ ၃၀ ဦး၊ မြန်မာစာရေးဆရာ ၁၂၀ ဦးတို့ဖြင့် ရန်ကုန်မြို့တော် အင်းလျားလိတ် ဟိုတယ်ဝင်း အတွင်း ကျင်းပခဲ့သည်။
The Voice Weekly
Myanmar Kyat Exchange Rate
0 comments:
Post a Comment