မွန်ပြည်နယ် မော်လမြိုင်ဘူတာကြီးမှ ရန်ကုန်သို့ ပြေးဆွဲနေသည့် အထူးအမြန် (၃၆) အစုန် မော်လမြိုင်-ရန်ကုန် ခရီးစဉ်တွင် ရထားတွဲဟောင်းများအစား ၂၀၁၄ ခုနှစ် ဇန်နဝါရီလ ၁၁ ရက်နေ့ ညနေ ၆ နာရီမှ စတင်ပြီး ရထားတွဲဆိုင်း အသစ်များဖြင့် စတင်ပြေးဆွဲမည် ဖြစ်ကြောင်း မော်လမြိုင် ဘူတာကြီးမှ အထူးတန်းရုံပိုင်ကြီး ဦးတင်စိုးဝင်က ပြောကြားသည်။
ရိုးရိုးတန်း အတွဲခြောက်တွဲနှင့် အထက်တန်းနှစ်တွဲ ပါရှိမည့်တွဲဆိုင်းသစ် ခရီးစဉ်အတွက် လက်မှတ် ဝယ်ယူသူများသည် လက်မှတ်ရောင်းချိန် နံနက် ၇ နာရီမှ ညနေ ၄ နာရီအတွင်း အထက်တန်း လက်မှတ်များကို သုံးရက်ကြိုတင် ဝယ်ရမည် ဖြစ်ကြောင်းနှင့် ရိုးရိုးတန်း လက်မှတ်များကို တစ်ရက်ကြိုတင် ဝယ်ယူရမည် ဖြစ်ကြောင်း၊ နေ့ချင်း လက်မှတ်များကို ရထားမထွက်မီ ၁၀ မိနစ်အလိုထိ ရောင်းချမည် ဖြစ်ကြောင်း မော်လမြိုင် မီးရထားရုံပိုင် ဦးဌေးအောင်က ဆိုသည်။
ယင်းအမြန်ရထားသည် နေ့စဉ် ည ၇ နာရီ ၃၀ မိနစ်တွင် မော်လမြိုင် ဘူတာကြီးမှ ထွက်ခွာပြီး ရန်ကုန်သို့ နံနက် ၄ နာရီ ၄၅ မိနစ်တွင် ဆိုက်ရောက်မည် ဖြစ်ကြောင်း၊ ရန်ကုန်ဘူတာကြီးမှ ည ၉ နာရီအချိန်တွင် ပြန်လည် ထွက်ခွာမည် ဖြစ်ပြီး မော်လမြိုင်သို့ နံနက် ၆ နာရီအချိန်တွင် ပြန်လည် ဆိုက်ရောက်မည် ဖြစ်ကြောင်း အထူးအမြန် (၃၆) အချိန်စာရင်းအရ သိရသည်။
ယင်းခရီးစဉ်တွင် ရိုးရိုးတန်း လက်မှတ် တစ်စောင်လျှင် ၂၈၀၀ ကျပ်၊ အထက်တန်း လက်မှတ် တစ်စောင်လျှင် ၅၅၀၀ ကျပ် ဖြစ်သည်။
The Voice Weekly
Myanmar Kyat Exchange Rate
0 comments:
Post a Comment