မကြာသေးမီက ယောကျာင်္းနဲ့ ကွာရှင်းခဲ့ပြီး တစ်ပါတ်ဝင်ငွေ ဒေါ်လာ ၆၀ မျှသာရရှိခဲ့တဲ့ မြောက်အိုင်ယာလန် အမျိုးသမီးတစ်ဦးဟာ အလုပ်ပြုတ်ပြီးမကြာမီပဲ ဥရောပသန်းထီဆု လက်မှတ်ကနေ ဒေါ်လာ ၂၇ သန်း ကျော် ဆွတ်ခူးကာ နိုင်ငံရဲ့ အချမ်းသာဆုံးစာရင်းဝင်တစ်ယောက်ဖြစ်လာပါတယ်။ မြောက်အိုင်ယာလန်ရဲ့ စီးပွားရေး ခြွတ်ခြုံအကျဆုံးဒေသတစ်ခုဖြစ်တဲ့ စတရာဘိန်း မြို့ မှာနေထိုင်တဲ့ မာဂရက်ဟာ လွန်ခဲ့တဲ့လက အလုပ်တစ်ခု လျှောက်ဖို့ လျှောက်လွှာဝယ်ရင်း ထီဆုလက်မှတ်တစ်ယောက်ကိုပါ ၀ယ်ခဲ့ပါတယ်။ ဥရောပနိုင်ငံ ကိုးနိုင်ငံက ပူးပေါင်းစီစဉ်တဲ့ ဥရောပသန်းထီလက်မှတ်ကို အပတ်စဉ် အင်္ဂါနေ့ နဲ့ သောကြာနေ့ တိုင်းမှာ ဖွင့်လှစ်ပါတယ်။ မာဂရက်ဝယ်ထားတဲ့ လက်မှတ်ဟာ ဂဏန်းငါးလုံးတူ ,Lucky Star နှစ်ခုရရှိပြီး ဒေါ်လာ ၂၇ သန်းတန် ထီလက်မှတ်တစ်စောင်ဖြစ်လာတာပါ။ သူမဟာ ရရှိတဲ့ငွေကြေးတွေကို တစ်ယောက်တည်းသုံးစွဲမှာမဟုတ်ဘဲ လူအများပျော်ရွှင်အကျိုးရှိမယ့် လုပ်ရပ်တွေမှာ ဝေမျှသွားမယ်လို့ သိရှိရပါတယ်။ ၂၀၀၄ ခုနှစ် ဖေဖော်ဝါရီလက စတင်ဖွင့်လှစ်ခဲ့တဲ့ ဥရောပသန်းထီဆုမှာ ၂၀၁၁ ခုနှစ်က ကောလင်းနဲ့ ခရစ်စ် တို့ နှစ်ယောက်က ဒေါ်လာသန်း ၁၆၁ သန်း ဆွတ်ခူးရရှိခဲ့ပါသေးတယ်။
Trend Myanmar
Myanmar Kyat Exchange Rate
0 comments:
Post a Comment