ကော့သောင်း၌ တစ်နေ့ ၄၅၀၀ ရမည်ဟုဆိုကာ ထူကြီးရွာသား ရာနှင့်ချီ လိမ်လည်ခေါ်ဆောင်မှုဖြစ်ပွား

ဧရာဝတီတိုင်းဒေသကြီး၊ ဟင်္သာတခရိုင်ထူးကြီးမြို့မှ လူတစ်ရာကျော်အားမြို့ခံပွဲစားအချို့က လိမ် ညာခေါ်ဆောင် ၍ တနင်္သာရီတိုင်းဒေသကြီး ကော့သောင်းမြို့နယ်ရှိ ထူးထူးတိုး ရာဘာ စိုက်ပျိုးရေးခြံ၌ လက်နက် များဖြင့် ပိတ်ပင်ခိုင်းစေမှုတစ်ရပ် ဖြစ်ပွားခဲ့ကြောင်း ထူးကြီးဒေသခံများထံမှ သိရသည်။

ထူးကြီးမြို့၌နေထိုင်သူ အငယ်လေး(ခ)ဌေးလင်းဆိုသူမှ အလုပ်အကိုင် အခက်အခဲဖြစ်နေသည့်ဒေသခံ များအား ကော့သောင်းမြို့နယ် အတွင်းရှိ ရာဘာခြံတစ်ခုတွင်း အလုပ်လုပ်လျှင် တစ်နေ့ကျပ် ၄၅၀၀ အနည်းဆုံး ရမည်ဟု ပြောဆို စည်းရုံးကာ ထူးကြီးမြို့ခံ တစ်ရာကျော်အားအဆင့်ဆင့် လွှဲပြောင်း ပို့ဆောင်၍ လမ်းစရိတ်အပါအ၀င် စရိတ်ပေါင်းစုံကို အကြွေးဟု သတ်မှတ်ကာ လုံခြုံရေး အစောင့် အရှောက်များဖြင့် အပြင်သို့ ထွက်ခွင့်မရဘဲ မူလကပြောထားသည့် လုပ်ခထက်နည်းပါးသော လုပ်အားခနှင့် ခိုင်းစေမှု များပြုလုပ်ခဲ့ခြင်းဖြစ်ကြောင်း ဒေသခံတို့က ဆိုသည်။

 “ဒီမှာလည်း အလုပ်ကမရှိတော့ ဟိုမှာရာဘာပင်ဆေးဖျန်းရင် တစ်နေ့ကျပ် ၄၅၀၀ အနည်းဆုံးရမယ်၊ ပြောတော့ လိုက်သွားတယ်။ ဟိုရောက်တော့ စားဖို့သောက်ဖို့ ဒန်အိုးဒန်ခွက်တွေအပြင် အလုပ်လုပ်ဖို့ ပစ္စည်းတွေကို မတန် တဆဈေးနဲ့ ပေးတယ်။ ခရီးစရိတ်အပါအ၀င် အားလုံးကို အကြွေးမှတ်ထားတယ်။ အလုပ်လုပ်တော့လည်း ရာဘာ ပင်တစ်ပင်ကိုကျပ် ၃၀ ပဲပေးပြီး ဂေါ်လီဝိုင်းခိုင်းတယ်။ မင်းတို့ လုပ်နိုင် သလောက်တော့ ရမယ်ပြောထားတယ်။ ဒါပေမယ့် လူတစ်ယောက်က တစ်နေ့ကိုသေလောက်အောင် လုပ်ရင်တောင်မှ အပင် ၅၀ ကျော်လောက်ပဲ လုပ်နိုင် တာ၊အဲဒါကြောင့် တစ်နေ့ကိုအများဆုံး လုပ်နိုင်တဲ့သူက ၁၅၀၀ နဲ့နှစ်ထောင်ကျော်ကြားလောက်ပဲ ရတယ်”ဟု ထူးထူးတိုးရာဘာ စိုက်ပျိုးရေးခြံမှ ထွက်ပြေးလွတ်မြောက်လာသူ ကိုတင်ထွေးက ပြောသည်။

ထို့ပြင် ခေါ်ဆောင်သွားသည့် ရွှေ့ပြောင်းလုပ်သားများကို စိုက်ပျိုးရေးခြံပြင်ပသို့ ပေးထွက်ခြင်းမရှိဘဲ ထူးကြီးမြို့မှ လုပ်သားများအပြင် အခြားရွေ့ပြောင်းလုပ်သား ၄၀၀ခန့်ကို တူမီး သေနတ်ကိုင် ထားသူများအပါအ၀င် အစောင့် ၅၀ ခန့်မှစောင့်နေကြောင်း ၄င်းက သူ့အတွေ့အကြုံ ကိုပြောပြသည်။

ထူးကြီးမြို့ခံများအား စတင်စည်းရုံးစဉ်က ခရီးစရိတ်အခမဲ့ပို့ဆောင်ပေးမည်ဆိုကာ စက်တင်ဘာလ ၁၉ ရက်နေ့က ခေါ်ဆောင်ခဲ့ပြီး ခေါ်ဆောင်သွားသူဒေသခံ အငယ်လေး(ဌေးလင်း)ဆိုသူက ရန်ကုန်မြို့အောင်မင်္ဂလာအဝေးပြေးဝင်း၌ ကုမ္ပဏီမှတာဝန်ရှိသူဆိုသူထံ လွှဲပြောင်းကာကော့သောင်းသို့ ပို့ဆောင်ခဲ့ကြောင်း သိရသည်။

ထူးထူးတိုးရာဘာစိုက်ပျိုးရေးခြံသို့ရောက်ရှိသွားသည့် အလုပ်သမားများမှာ ပြင်ပသို့ထွက်ခွင့်မရဘဲ ခြံဝင်းအတွင်း ကုမ္ပဏီမှဖွင့်လှစ်ထားသည့်ဆိုင်၌ပင် မတန်တဆဈေးနှုန်းများဖြင့်အစားအသောက်များ ၀ယ်စားရခြင်း၊ အလုပ် လုပ်ကိုင်ရာတွင် ရရှိသောလုပ်အားခ နည်းပါးခြင်းကြောင့် ပြန်လိုကြသော်လည်း မိမိတို့အားမှတ်ထားသည့် အကြွေး ကျေမှ ပြန်ရမည်ဟုဆိုသဖြင့် လက်နက်ကိုင်လုံခြုံရေးများလစ်သည့် ညအချိန်တွင် ထူးကြီးမြို့ခံ လုပ်သား ၁၂ ဦးမှလျှိုထဲခုန်ချကာ ထွက်ပြေးလွတ်မြောက်ခဲ့ကြောင်း လွတ်မြောက်လာသူတို့ထံမှ သိရသည်။

“ခြံထဲက ဆိုင်မှာက ဆန်ကြမ်းတစ်ပြည်ကို တစ်ထောင်၊ဘဲဥသုံးလုံးကိုတစ်ထောင်နဲ့ ပေးဝယ်ရတော့ရတဲ့ လုပ်အားခနဲ့ ၀ယ်မစားနိုင်ဘူး။ အလုပ်လုပ်ရတော့ မိုးကာမရှိဘူး၊ မိုးရွာထဲမှာ တစ်နေ့လုံးလုပ်ရတဲ့အခြေအနေတွေကြောင့် အဲ့ဒီမှာ ဆက်နေရင်လည်း သေမယ့်အတူတူမထူးဘူးဆိုပြီး အ၀တ်တစ်ထည်ကိုယ်တစ်ခုနဲ့ထွက်ပြေးလာတာ၊ လမ်းမှာ ငါးရက် လောက်ထမင်းငတ်ပြီး လမ်းလျှောက်တာက တစ်မျိုး၊တွေ့တဲ့နေရာမှာ အကူအညီတောင်း ခရီးဆက်ပြီး ပြန်ရောက်လာတာ”ဟု ရာဘာခြံမှထွက်ပြေးလွတ်မြောက်လာသူ ကိုဇော်ထူးကပြောသည်။

ထူးကြီးမြို့ခံ ၁၂ ဦးစတင်လွတ်မြောက်ခဲ့ပြီး နောက်ထပ်အလုပ်မလုပ်လိုကြသည့်လုပ်သားများကို တစ်ဦးလျှင် အကြွေး တစ်သိန်းခွဲမှ တစ်သိန်းခုနစ်သောင်းဆပ်လျှင် ပြန်ပို့ပေးမည်ဟု ရာဘာခြံ မှကမ်း လှမ်းလာသဖြင့် ကျန်ရစ်ခဲ့သူ မိသားစု ၀င်အချို့မှာ အိမ်ရောင်းခြံရောင်းဖြင့် ထူးကြီးမြို့ အုပ်ချုပ်ရေးမှူး ဦးမောင်ဖြူရှေ့မှောက်၌ ပေးအပ်ခဲ့ရကြောင်း ဒေသခံ တို့ထံမှ သိရှိရသည်။

သို့သော် လုပ်သားအားလုံးအတွက်ပုံပြီးမှပြန်လည်ပို့ဆောင်ပေးမည်ဟု ထပ်မံပြောဆိုလာသောကြောင့် ဆင်းရဲ၍ ငွေပုံနိုင်ခြင်းမရှိသည့်ဒေသခံမိသားစုအများစုမှာ ဒုက္ခရောက်နေသဖြင့်လူ့အခွင့်အရေး အဖွဲ့များထံ အကြောင်းကြား ခဲ့သည်ဟု သိရသည်။ ထိုအဖွဲ့မှနေပြည်တော် လူကုန်ကူးမှုနှိမ်နှင်းရေး ရဲတပ်ဖွဲ့ထံသို့ အကြောင်းကြားပူပေါင်းခဲ့သည့် သတင်းကြောင့် ရာဘာခြံအတွင်း ထပ်မံကျန် ရှိနေသေးသည့်ထူးကြီးမြို့ခံလုပ်သား၆၅ဦးကို အောက်တိုဘာ လ(၁၂)ရက်နေ့ည(၇)နာရီခန့်က ခြံအတွင်းမှ နှင်ထုတ်ခဲ့ကြောင်း လူ့အခွင့်အရေးစောင့်ကြည့် ကာကွယ်ရေး ကွန်ယက်(HRWDN)မှ သိရသည်။

ယခုအခါထူးကြီးမြို့အုပ်ချုပ်ရေးမှူးထံ အပ်နှံထားသည့် လုပ်သား၁၇ ယောက်စာထဲမှ ဧရာဝတီတိုင်းဒေသကြီး ၀န်ကြီးချုပ်ဦးသိန်းအောင်၏ ဇာတိအလယ်စုကျေးရွာမှလုပ်သား ၅  ဦးအားပြန်လည်ခေါ်ဆောင်ရန် ပေးအပ်ထားသည့် ငွေကြေးများကို မယူဘဲကျန်ငွေကြေးများကို အငယ်လေးနှင့်သက်နိုင်ဦးဆိုသူတို့မှ ယူဆောင်သွားကြောင်းသိရသည်။

အလုပ်လုပ်ရန်ဆွဲဆောင်စည်းရုံးခြင်း၊ လူများစုဆောင်းခြင်း၊ လွှဲပြောင်းပို့ဆောင်ခြင်း ၊ကြွေးမြီဖြင့် ချည်နှောင်၍ ခိုင်းစေခြင်းများ တွေ့ရှိပေါ်ပေါက်သည့်အတွက် ပုသိမ်မြို့အခြေစိုက် လူ့အခွင့်အရေးစောင့် ကြည့်ကာကွယ်ရေး ကွန်ယက်(HRWDN)အဖွဲ့မှ ပုသိမ်လူကုန်ကူးမှုတားဆီးကာကွယ်နှိမ်နှင်းရေး ရဲတပ်ဖွဲ့ထံသို့ အကြောင်းကြားခဲ့ရာ ရဲတပ်ဖွဲ့မှဒုတပ်ကြပ်သန်းဇော်မင်းကထူးကြီးကျေးရွာသို့လာရောက်၍ ကုမ္ပဏီမှထွက်ပြေးလာသည့် အလုပ်သမားများ ကို စစ်ဆေးမေးမြန်းမှုများပြုလုပ်ခဲ့ပြီး နေပြည်တော်ရှိလူကုန်ကူးတားဆီးကာကွယ် နှိမ်နှင်းရေးအဖွဲ့ထံသို့ အစီရင်ခံစာ တင်ပြထားသည်ဟု သိရသည်။

BY မျိုးမင်းထွန်း-ဧရာဝတီတိုင်း (မြစ်မခ)